نشتري ذهب ولا نبيع في ظل الهبوط الحالي؟ نجيب ساويرس يوجه نصيحة للمواطنين

كشف رجل الأعمال المهندس نجيب ساويرس، عن نصيحته للمواطنين ورأيه في شراء أو بيع الذهب في الفترة الحالية.

وقال نجيب ساويرس خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "أنا رأيي واضح لو حد ثروته مثلا 100 جنيه، يخلي معاه 25 جنيه كاش علشان الزنقة، و25 جنيه يشتري عقار علشان الزمن وفيه أمان للمستقبل وثمنه بيزيد، و25 جنيه لشراء الذهب، و25 الاستثمار في أرض زراعية أو شركة زراعية مع ارتفاع أسعار الأكل واللي عنده فدان بيزرعه بيكسب منه كويس".

قصة عن أراضي ساويرس في سوهاج ولفت نجيب ساويرس: "أنا عائلتي كان عندها فدادين في سوهاج وباعتها بـ 50 و100 جنيه، تروح تشتري فدان دلوقتي بـ5 ملايين جنيه، لو كان خلوا الأرض كلها كانت فرقت، بس أبويا مكنش بيحب الزراعة وباع الأرض كلها وكان بيقولي الأرض لمن يزرعها، مع إن ده كان شعار عبد الناصر وهو مكنش بيحبه".